Chalé con leira independente e pechada, a 10 minutos camiñando da praia de Area de Bon (Beluso, Bueu), sito nunha contorna envexable pola súa tranquilidade e privacidade, nunha zona de gran beleza natural.
Repártese en dúas plantas e un semisoto (como rocho, onde se gardan todos os accesorios do xardín, hamacas, etc.), contando cun soportal de entrada, a través do cal se accede á primeira planta onde se localizan o salón-comedor e a cociña (comunicados entre si por un arco), dous dormitorios con armarios e baño xeral con bañeira.
A través da escaleira (aberta) accédese á segunda planta, con tres dormitorios e baño xeral con prato de ducha, e á gran terraza exterior desde a que se contempla toda a leira.
A leira, do mesmo xeito que a vivenda, é moi asollada e axardinada na súa totalidade, e conta ademais cunha zona de sombra con froiteiras, zona aberta asollada con piscina desmontable, asador e zona de parking á entrada.
A cociña é eléctrica e a auga quente sanitaria por butano.
Conta con calefacción eléctrica.
A zona non conta con traída de auga municipal nin veciñal. O inmoble provisiónase mediante dous pozos sitos na leira. Igualmente, ao non ter servizo de rede de sumidoiros conta con fosa séptica sumidera no xardín.
Mapa de situación
A ubicación do inmoble é aproximada.
o seu entorno
