Piso con moitísima luz na Pedra Alta, nun edificio totalmente accesible e con ascensor, con orientación sueste, moi asollado e en planta alta, á beira de servizos como supermercados, farmacia, cafetarías e restaurantes, locais comerciais, etc., preto da Estación Marítima e á beira da rotonda dos Mexillóns e con bo acceso tanto para a zona de O Hio e Aldán como para a Vía Rápida.
Conta cun gran salón comedor con ampla ventá; cociña independente totalmente equipada e con acceso a un lavadoiro exterior, no que se atopa un pilón, a lavadora e o acumulador eléctrico para a auga quente sanitaria; 3 dormitorios con armarios encaixados, un deles con terraza pechada e outro con baño propio con bañeira; e un baño xeral con ducha.
Todas as estancias son exteriores con xanelas corredeiras de dobre cristal fóra dos baños. Os chans son de madeira e a carpintaría exterior de aluminio.
O edificio conta con ascensor pero non accede ao soto de garaxes, con todo existen unhas escaleiras no portal de entrada para acceder aos garaxes polo interior.
O piso véndese amoblado e con electrodomésticos e inclúe 2 prazas de garaxe e 2 rochos unidos, boísima opción como vivenda habitual, por tamaño e distribución e por ser un inmoble completo con mobiliario e 2 garaxes no núcleo urbano de Cangas.
Mapa de situación
A ubicación do inmoble é aproximada.
o seu entorno
